Në stinorin e kaluar Antonio Conte pat thënë se ëndërron Harry Kane në skuadrën “Blu”, ndërsa në këtë stinor trajneri Maurizio Sarri thotë se e admiron mesfushorin danez të Tottenhamit Christian Eriksen.
Të shtunën mbrëma Tottenhami e pret në “Wembley” Chelsean në kuadër të Premierligës, transmeton Gazeta Express.
“Pa dyshim se Harry Kane është sulmuesi anglez më i mirë, mirëpo më duhet ta them edhe një emër tjetër”, ka thënë Sarri.
“Më pëlqen Eriksen shumë sepse është një lojtar i mençur. Ai është një lojtar shumë teknik. Ai është në gjendje të luajë në mesfushë dhe të shënoj 8 ose 9 gola në stinor”.
“Më pëlqen ai shumë por nuk dua të flas për një lojtar të Tottenhami në lidhje me afatin kalimtar të transferimeve”. /Gazeta Express/