Manchester City do të prezantojë së shpejti transferimin e tyre më të ri, pasi është vetëm çështje kohe që të bëhet e ditur se Omar Marmoush është lojtari i tyre.

Gjatë javës, City ranë dakord për transferimin e Marmoush nga Frankfurti për gati 80 milionë euro dhe egjiptiani, për të cilin shumë thonë se është “Salahu i ri”, është rrugës për në Mançester.

Mbrëmë, Marmoush nuk luajti për Frankfurt kundër Borussia Dortmundit, të cilin ekipi i tij e mposhti 2-0, për arsye private.

U kuptua menjëherë për të gjithë se për çfarë bëhej fjalë dhe pas ndeshjes edhe tifozët e Frankfurtit i dhanë Marmushit një lamtumirë të paharrueshme. Egjiptiani ka qëndruar para tyre dhe është shpërblyer me një ovacion të madh dhe nuk i fshehu dot lotët.

Shoku i skuadrës së Marmoush, Mario Gotze, zbuloi se egjiptiani gjithmonë ëndërronte të luante në Ligën Premier dhe se tani ëndrra e tij është realizuar.

Marmoush është 25 vjeç, dhe ka luajtur për Frankfurt për një vit e gjysmë të fundit, që nga transferimi i tij nga Wolfsburg, ku mbërriti falas – si lojtar i lirë. /Telegrafi/