Mesfushori i Borussia Dortmundit, Nuri Sahin, i është nënshtruar ndërhyrjes kirurgjike në gjunjë të mërkurën dhe do të mungojë rreth dy muaj.
Futbollisti turk u lëndua në stërvitje dhe fillimisht pritej të mungojë rreth tri javë. Mirëpo, ai do të mungojë më gjatë pasi e ka operuar gjurin e majtë.
“Nuri Sahin i është nënshtruar ndërhyrjes kirurgjike të mërkurën në klinikën Isar në Platt Park Ling”.
“Dr. Heinz-Jurgen Eichhorn e ka larguar indin e inflamuar nga gjuri i majtë i Sahin gjatë operacionit”, thuhet në një kumtesë të lëshuar nga klubi gjerman.
Trajneri Jurgen Klopp ka pasur disa lojtarë të lënduar në fillimit të këtij sezoni, mes tyre edhe Jakub Blaszczykowski dhe Ilkay Gundogan. /Telegrafi/