Koordinatori i AKR-së në Lipjan, Sabit Pacolli ka bërë thirrje qytetarëve Lipjanas që ti bashkohen subjektit që ai i takon duke thënë se nuk është vonë për tu bashkuar.

“AKR-ja në Lipjan brenda kabinetit të saj do të ketë individ që vërtetë që do të dëshmojnë punën dhe kulturën e botës perëndimore kjo do të dëshmohet dita ditës”, shkruan Pacolli.

Lexoni të plotë postimin e Pacollit në Facebook:

Të ndëruar Lipjanas, nuk është vonë, AKR është shpresa juaj e fundit, bashkangjituni për udhëheqje! AKR-ja ka qenë dhe po vazhdon të jetë njëra nga partitë më besnike, kjo po dëshmohet dita ditës, posaçërisht dega në Lipjan, qindra antarë të rinj, pleq, gra dhe burra, po i bashkohen një rrugëtimi të cilën e ka nisur AKR-ja në Lipjan, si asnjëherë më parë që nga paslufta.

Unë Sabit Pacolli, si koordinator i kësaj qendre falënderoi të gjithë ata të cilët po i bashkohen AKR-së si parti me vizion dhe si qendra më adekuate e udhëheqjes për në të ardhmen.
Shumë fshatra të Komunës së Lipjanit, shumë banorë po i thonë PO udhëheqjes së AKR-së në Lipjan, sepse vetëm së bashku mundemi !
Deri më tani kanë kaluar shumë persona nën udhëheqje të Komunës së Lipjanit, për të cilën ende qytetarët po vuajnë pasojat e tyre, që nga papunësia, mungesa e mirëqenës sociale dhe shumë të tjera, krejt kjo si pasoj e një mungese të kulturës dhe pjekurisë politike që kemi pasur.
AKR-ja në Lipjan brenda kabinetit të saj do të ketë individ që vërtetë që do të dëshmojnë punën dhe kulturën e botës perëndimore kjo do të dëshmohet dita ditës. Ejani, AKR-Lipjan..! (sic)shkruan Pacolli.