- Rreth 22 mijë maturantë që nuk e kanë kaluar pjesën e parë të testit të maturës, kur ishte mbajtur me 9 dhe 28 qershor, do të përsërisin testin e Maturës Shtetërore.“Testet vetëm janë duke u përfunduar, si dhe testet për gjuhën boshnjake, serbe dhe turke” tha Mustafë Kadriu, udhëheqës i divizionit për monitorim dhe vlerësim të standardeve.Edhe në afatin e dytë të testit të maturës, testi do të vëzhgohet nga pjesëtarë të kompanive të sigurimit, siç ishte vepruar edhe në pjesën e dytë të afatit të parë të testit të maturës të mbajtur në qershorë.
- Ai shtoi se një pjesëtar i sigurimit do të vëzhgoj përafërsisht 12 deri në 15 maturantë.
- “Kompanitë kanë me qenë të njëjta siç kanë qenë në afatin e parë të testit të maturës” tha Kadriu.
- Ai shtoi se përgatitjet janë duke u bërë në të gjitha komunat e vendit.
- Ministria e Arsimit Shkencës dhe Teknologjisë, thotë se presin që deri të premten, kur do të testohen edhe maturantet në pjesën e parë për lëndët e përgjithshme, të përfundojnë të gjitha përgatitjet.
