Mbrojtësi i kombëtares shqiptare, Amir Rrahmani, ka rënë në shënjestrën e ekipit të Bundesliges gjermane, Wolfsburg.

Sipas mediave kroate, menaxheri i njohur gjerman, Pierre Litbarski, të premten e ka ndjekur nga afër ndeshjen e kampionatit kroat ndërmjet RNK Splitit dhe NK Zagrebit e cila u mbyll 1:0.

Mediat kroate theksojnë se ish-futbollisti i njohur gjerman, tani skaut i Wolfsburgut, besohet t’i ketë ndjekur me vëmendje dyshen e RNK Splitit, Amir Rrahmanin dhe Antu Majstorovica.

Amir Rrahmani ka luajtur më parë në Superligen shqiptare me skuadrën e Partizanit.

Kujtojmë që Rrahmani hapat e parë të karrierës i ka filluar në Kosovë pasi vite më parë ishte pjesë e Drenicës. /Telegrafi/