Cristiano Ronaldo është pozicionuar më lartë se Lionel Messi në listën e sportistëve më të paguar në botë në vitin 2015 nga Forbes.

Sulmuesi i Real Madridit është i treti në listën prej 100 sportistëve, ndërsa i pari është boksieri i famshëm, Floyd Mayweather, i cili ka fitimi rekorde prej 300 milionë dollarëve.

Ronaldo në vitin 2015 ka fituar 79.6 milionë dollarë, ndërsa Messi renditët një pozitë më poshtë se ai, pasi që ka fituar 73.8 milionë dollarë. Këta dy janë futbollistët e vetëm në top dhjetëshe.

Sulmuesi portugez thuhet se ka fituar 52.6 milionë nga paga e tij dhe bonuset, ndërsa 27 milionë tjera nga reklamat.

Në anën tjetër, ylli argjentinas ka fituar 51.8 milionë dollarë nga paga e tij dhe bonuse, ndërsa 27 milionë tjera nga reklamat e ndryshme. /Telegrafi/