Ronaldinho emërohet ambasador i Brazilit, përkundër që i është konfiskuar pasaporta

PUBLIKUAR

Përkundër që nuk ka mundësi të largohet nga Brazili, Ronaldinho së fundi u emërua ambasadori i ri i turizmit në Brazil.

39-vjeçarit, i cili e fitoi Kupën e Botës 2002 me Kombëtaren e Brazilit, iu konfiskua pasaporta në maj të këtij viti, pasi që ai nuk arriti ta paguajë një gjobë që i ishte shqiptuar shkaku i dëmtimit të ambientit, transmeton Gazeta Express.

Ronaldinho dhe vëllai i tij u dënuar pasi që e ndërtuan ilegalisht një vend peshkimi në liqenin Guaiba në vitin 2015, pa marrë licencë adekuate për ndërtim në atë zonë.

Për shkak të kësaj akuze, dyshja u dënua me 8.5 milionë funte në nëntor të vitit 2018 dhe, pasi që kjo gjobë nuk u pagua, Gjykata Superiore e Drejtësisë në Brazil vendosi të mos e lejojë Ronaldinhon të largohet nga vendi.

I izoluar në vendlindjen e tij, ish-ylli i Barcelonës dhe Milanit është duke e shfrytëzuar këtë kohë për ta promovuar turizmin në Brazil.

“Turizmi është shumë i rëndësishëm për krijimin e vendeve të reja të punës dhe për ta rifituar imazhin tonë ndërkombëtar”, u shpreh Ronaldinho, pasi që u bë e ditur se i është besuar ky rol, të enjten.

Fituesi i Topit të Artë në vitin 2005 e mori vullnetarisht këtë rol nga Instituti Brazilian i Turizmit. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...