Mbrojtësi i Milanit, Alessio Romagnoli, insiston se “Unë ende e konsideroj Higuainin sulmuesin më të mirë në botë”, edhe pse nuk e kanë pritur mirë largimin nga “San Siro” pas vetëm gjashtë muajsh.
Gonzalo Higuain u largua nga Milani pas vetë gjashtë muajsh për t’u transferuar në formë huazimi nga Juventusi te Chelsea, ashtu siç ishte edhe te Kuqezinjtë.
Ai nuk arriti të përshtatej te skuadra e Gennaro Gattusos dhe vendosi t’i bashkohet ish-trajnerit te “Blutë e Londrës”, Maurizio Sarrit, me të cilin ka punuar te Napoli.
Sido që të jetë, për kapitenin e Milanit, Higuain vazhdon të jetë sulmuesi më i mirë në botës, edhe pse i ka zhgënjyer të gjithë në “San Siro”.
“Nuk jam i hidhëruar. Ende e kosnideroj sulmuesin më të mirë në botë. Është zhgënjyese, por ai bëri zgjedhjen e tij dhe vendosi të largohet dhe ne duhet të respektojmë këtë”, tha Romangnoli në një eveniment të Nikes në Milano.
“Ai është shok i imi dhe kur ai është i lumtur, çdo gjë tjetër është në rregull”. /Gazeta Express/
