Mesfushori luftarak i Romës, Daniele De Rossi, nuk ka luajtur dot në sfidën e fundit në Serinë A kundër Bolognas, për shkak të një dëmtimi të pësuar.

Stafi mjekësor ka tentuar të gjitha mundësitë për ta rikuperuar në kohë në prag të përballjes delikate të Ligës së Kampionëve kundër Barcelonës, por ditën e sotme trajneri Rudi Garcia ka marrë lajme negative, pasi De Rossi nuk ka mundur të rikuperohet me kohë.

Mesfushori do të udhëtojë me pjesën tjetër të ekipit drejt Spanjës, por ky i fundit i ka të pakta shanset të zbresë në fushë, pasi dëmtimi ia pengon aktivizimin kundër katalanasve.

Kjo ndeshje do të jetë vendimtare për romakët për të kaluar grupin. /Telegrafi/