Mbrojtësi i krahut të majtë të Wolfsburgut dëshiron të transferohet tek Interi.

Ricardo Rodriguez pritet të largohet nga ekipi gjerman, Wolfsburg në afatin kalimtar të janarit, pas ofertave të shumta që kanë ardhur në adresë të tij me Interin që mbetet favorit për zviceranin.

Sipas të përditshmes sportive italiane, Tuttosport, Rodriguez ka marrë oferta nga dy klubet londineze, Chelsea dhe Arsenal, por të dyja i ka refuzuar pasi që dëshira e tij është të shkojë te Interi.

Ai u ka thënë menaxherit që e përfaqëson se dëshiron të transferohet te skuadra zikaltër. Interi tash e sa kohë ka nisur punën që ta bëjë të mundshëm transferimin e Rodriguez në Giuseppe Meazza.