Menaxheri i Liverpoolit, Brendan Rodgers, ka thënë se transferimet e fundit kanë dëshmuar se ekipi i tij ka pasur progres shumë të madh.
The Reds kanë bërë një numër transferesh këtë verë dhe sipas Brendan Rodgers ky është indikacioni kryesor për përparimin e eklubit.
“Wshtë një indikacion i madh i progresit të klubit. Një simbol se ku është klubi”.
“Ne kemi bërë shumë transferime të mëdha viteve të fundit. Aftësia për të tërhequr top lojtarët është e mirë. Lovren është top lojtar dhe një djalosh që ka joshur shumë klube. I riu Markovic ka pasur dy-tri klube që kanë dashur ta marrin, klube ku ai ka pasur kolegë nga kombëtarja, por ai deshi vetëm Liverpoolin”.
“Këta djem shikojnë futbollin përtej garave evropiane. Nëse jeni lojtar dhe keni shikuar Liverpoolin duke luajtur në Anfield, atëherë sigurisht se do të kishit dëshirë të luanit për ne”, ka thënë Rodgers.
Liverpooli starton sezonin këtë të dielë ndaj Southamptonit.