Riyad Mahrez ka rinovuar kontratën me Manchester Cityn.
Algjeriani ka zgjatur kontratën edhe për dy sezone të tjera. Lajmi është bërë i ditur nga klubi anglez këtë të premte, shkruan Gazeta Express.
Me kontratën e re, Mahrez do të jetë i lidhur me “Qytetarët” deri më 30 qershor 2025.
31-vjeçari është njëri prej futbollistëve kryesorë te Man City, që nga viti 2018 kur ai u transferua në “Etihad Stadium” nga Leicester City.Deri më sot, ai ka bërë 189 paraqitje për klubin nga Manchesteri, teksa ka shënuar 63 gola dhe 45 asistime.
Në katër sezonet e fundit, Riyad Mahrez e ka ndihmuar Manchester Cityn të fitojë tre tituj kampioni në Premierligë, tre Kupa të Ligës dhe një Kupë FA, së bashku me arritjen e një finaleje të parë në Ligën së Kampionëve. /Gazeta Express/
Tap to read! 👇https://t.co/MGui2vhirA
— Manchester City (@ManCity) July 15, 2022
