Tottenhami do të hidhet në sulm për anësorin e Interit, Ivan Perisicin, i cili është synim i Arsenalit, gjatë verës që vjen. Sipas mediave italiane, anësori kroat është i preferuar i Mauricio Pochettinos.
Tuttosporti raporton se trajneri i Tottenhamit, Mauricio Pochettino është i dashuruar me Perisicin që prej ndeshjeve mes Interit dhe skuadrës së tij në fazën e grupeve në Ligën e Kampionëve, transmeton Gazeta Express.
Gazeta italiane shton se gjiganti londinez kishte tentuar për anësorin kroat qysh në janar, por do të tentojë prapë në verë.
30-vjeçari u rikthye së fundmi në skuadrën e Interit pasi i dështoi kalimi në Arsenal në janar.
Ai pritet të largohet nga zikaltrit në verë dhe mund të hapë rrugë për transferimin e Moussa Sissokos apo Serge Aurierit në Milano. /Gazeta Express/


