Rivaldo: Është e vështirë të jesh nën hijen e Messit

PUBLIKUAR

Verën e kaluar Antoine Griezmann zgjodhi të qëndrojë në Atletico Madrid e të mos transferohet në Barcelonë. Ish-mesfushori i katalonasve, Rivaldo, e kupton pse ylli francez e mori një vendim të tillë.

Braziliani Rivaldo është i vetëdijshëm që të luash përkrah një superylli si Lionel Messi nuk është gjëja më ideale për lojtarët e nivelit më të lartë të futbollit, transmeton Gazeta Express.

“Nuk jam i zhgënjyer që Griezmann nuk u transferua në Barcelonë pasi që çdo futbollist i sheh gjërat në mënyrën e vet”, është shprehur Rivaldo.

“Ka shumë lojtarë të mrekullueshëm në Barcelonë dhe është e vështirë të qëndrosh nën hijen e Messit. Griezmanni është një kampion bote që më pëlqen shumë si futbollist”.

Messi tani e ka kaluar shifrën prej 40 golave të shënuar për të dhjetin sezon radhazi, duke i shënuar 32 gola në La Liga, tetë në Ligën e Kampionëve dhe dy në Kupën e Mbretit.

Ai është në rrugë për ta fituar Këpucën e Artë Evropiane për të tretin sezon radhazi dhe të gjashtin gjithsej në karrierë.

Kapiteni argjentinas i ka shënuar nëntë gola në pesë paraqitjet e tij të fundit, ecuria e tij më e mirë deri më tani. Tri prej këtyre golave erdhën nga goditje e lira. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...