Rita Ora mahniti fansat e saj kur u shfaq e veshur me një fustan nusërie teksa paralajmëronte këngën e saj të re.
Super ylli i muzikës hyri në rrjetet e saj sociale për t’u dhënë fansave të saj besnikë një paraqitje të shkurtër të këngës së saj të re.
Rita Ora postoi një klip të shkurtër në llogarinë e saj zyrtare në TikTok dhe Instagram, ku shfaqte një pjesë të shkurtër nga kënga e saj e re. Ish-anëtarja e jurisë së spektakleve “X Factor” dhe “The Voice” dha një performancë sensuale për sinkronizimin e buzëve të këngës “You Only Love Me”, e cila do të publikohet e plotë më 27 janar.
Por këngëtarja e hitit “Anywhere” ishte veshur me një fustan nusërie të bardhë me material prej tyli. Flokët e saj dhe fytyra e shndritur ishin pjesërisht të fshehura nga një vello. Rita Ora , nuk është e panjohur për të mahnitur fansat me figurën e saj të pabesueshme.
