Artistja me prejardhje shqiptare, Rita Ora, është akuzuar për shkelje të rregullave në një kohë pandemie, pasi thuhet se organizoi një ndejë për të festuar ditëlindjen e 30-të të shtunën (28 nëntor).

Këngëtarja, 30 vjeçare, pretendohet të ketë ftuar afro 30 miq në një restorant në Notting Hill, Londër, për të shënuar ditën e rëndësishme deri ‘në orët e para të mëngjesit’.

Kjo vjen pak pasi qeveria theksoi përsëri rëndësinë e respektimit të kufizimeve të dielën, përpara izolimit të dytë kombëtar të Mbretërisë së Bashkuar që përfundon më 2 dhjetor.