Në një deklaratë për agjencinë e lajmeve META, prokurorja speciale, Lenpe Ristoska, ka deklaruar se Prokuroria Speciale Publike (PSP) nuk do të del me ndonjë koment rreth tërheqjes së pjesërishme të vendimit për falje të kryetarit Gjorge Ivanov, transmeton Telegrafi Maqedoni.

Ristoska thotë se ende nuk dihet se për cilët persona bëhet fjalë, duke shtuar se nuk ka arsyetim për qasje të pjesërishme kur bëhet fjalë për sundimin e ligjit dhe zbatimin e drejtësisë.

Jozyrtarisht PSP-ja thotë se vendimi duhet të jetë për të gjithë, e jo të jetë i pjesërishëm, ndërkaq bëjnë të ditur se ende presin përgjigje nga kabineti i kryetarit Ivanov, se nga ku i morën informacionet për personat që janë nën hetime.