Karim Benzema pritet që të jetë pjesë e Real Madridit për së paku edhe një sezon tjetër.
Sipas ekspertit, Fabrizio Romano, është vetëm çështje kohe se kur do të zyrtarizohet marrëveshja e re mes palëve, transmeton Gazeta Express.
Benzema pritet që të rinovojë kontratën deri më 30 qershor 2024.
Kontrata aktuale e 34-vjeçarit skadon në verën e vitit të ardhshëm.
Reprezentuesi i Francës vlerësohet si një prej futbollistëve kryesorë te Real Madridi.
Ai së fundmi u zgjodh “Lojtari i Ndeshjes” pas fitores 3:1 kundër Barcelonës të dielën. Benzema ishte autor i një goli.
Ish-sulmuesi i Lyonit pritet që të fitojë edhe “Topin e Artë” këtë të hënë. /Gazeta Express/
