Futbollisti më i mirë në botë, Lionel Messi është rikthyer në Kombëtaren e Argjentinës pasi kishte paralajmëruar pensionimin e tij.

Ylli i Barcelonës ka qenë vendimtar në ndeshjen mes Argjentinës dhe Uruguait ku përballë kishte shokun e ngushtë Luis Suarez.

Kapiteni i Argjentinës është pritur mjaftë mirë nga tifozët pasi ndërroi vendimin e tij dhe pranoi të luaj për vendlindjen.

Në sfidën ndaj Uruguait që ishte e vlefshme për kualifikimet e Kampionatit Botëror ‘Rusi 2018’, Messi ishte vendimtar në fitoren 1:0.

Ishte minuta e 43-të, kur mbreti Leo goditi nga rreth 20 metra dhe mposhti portierin Muslera.

Me këtë fitore Argjentina ia ka rrëmbyer pozitën e parë në grup Uruguait dhe pas shtatë ndeshjeve ka 14 pikë, një më pak se kundërshtari i mbrëmshëm. /Telegrafi/