Sipas gazetës gjermane Bild, Franck Ribery e ka sulmuar gazetarin e Bein Sports, Patrick Guilloi pas humbjes së Bayern Munich nga Borussia Dortmundi të shtunën.
Drejtori sportiv i klubit bavarez, Salihamidzic e ka konfirmuar se ka pasur një grindje mes sulmuesit francez dhe gazetarit, transmeton Gazeta Express.
“Ai na ka thënë se ka pasur një grindje me gazetarin, të cilin e ka njohur për disa vite. Ne jemi marrë vesh me Guillou që të mbajmë një mbledhje lidhur me këtë problem”, ka thënë Salihamidzic.
Raportet gjermane thonë se Ribery i ka rënë shuplakë gazetarit, mirëpo ende nuk është konfirmuar kjo. Gazetari ka refuzuar që të flas për media pas këtij incidenti. /Gazeta Express/