Reuters: NATO dhe SHBA-të, shuplakë lëvizjes së Kosovës për të krijuar ushtrinë

PUBLIKUAR

Kosova sinjalizoi të mërkurën se do të kthejë forcën e saj të sigurisë në një ushtri kombëtare, plan ky i kundërshtuar nga pakica etnike serbe, hap i cili mori kritika të menjëhershme nga NATO dhe mbështetësi më i madh (i Kosovës), Shtetet e Bashkuara.

Kështu e fillon një artikull agjencia e lajmeve “Reuters”, përcjell Telegrafi, e cila shton se gati dy dekada pas luftës së Kosovës, marrëdhëniet mes Beogradit dhe Prishtinës mbeten të tendosura dhe Serbia vazhdon ta konsiderojë Kosovën, e cila shpalli pavarësinë në vitin 2008, si një krahinë të saj.

“Qeveria e Kosovës urdhëroi krijimin e një ushtrie kombëtare tre vjet më parë, por deputetët serbë thanë se do të bllokojnë ndryshimet e nevojshme në kushtetutë. Të mërkurën, parlamenti dha shenja se do të anashkalojë kundërshtimin duke përgatitur ndryshime të një ligji ekzistues që do të lejonte Forcat e Sigurisë së Kosovës (FSK-së) për të blerë armë të rënda, duke e kthyer atë në një ushtri”, shkruan Reuters.

E NATO, e cila ka disa 4,500 ushtarë të stacionuar në Kosovë, shton më tej Reuters, tha se plani ka ngritur shqetësime serioze.

“Unë e bëra të qartë se hapat e njëanshëm të tilla si këto janë të padobishme”, ka thënë kreu i NATO-s, Jens Stoltenberg në një deklaratë pas bisedimeve me presidentin dhe kryeministrin (e Kosovës).

Gjithashtu ky medium rikujton edhe deklaratën e Ambasadës së SHBA-ve në Prishtinë ku thuhet se miratimi i ndryshimeve në ligj “do të na detyrojë të ri-vlerësojmë bashkëpunimin dhe ndihmën tonë me forcat e sigurisë në Kosovë”.

Këto reagime të NATO-s dhe SHBA-ve, gjegjësisht shkrimin rreth këtyre reagimeve, Reuters e ka emërtuar kështu: NATO dhe SHBA-të, shuplakë lëvizjes së Kosovës për të krijuar ushtrinë.

SHIKO MË SHUMË

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...

Moti për javën e ardhshme, e hëna nis me vranësira dhe shi

Instituti Hidrometeorologjik ka dhënë detaje mbi parashikimin e motit për javën e ardhshme në...