Kampi i refugjatë në Dusseldorf raportohet se është shkatërruar plotësisht, kurse sipas medieve gjermane, këtë gjë e kanë bërë refugjatët e pakënaqur të cilëve nuk u është lejuar të angazhojnë një person i cili do ti zgjonte besimtarët mysliman për syfyr.

Ky kamp që shërbente si shtëpi për 280 refugjatë është shkatërruar tërësisht nga zjarri, kurse shërbimet mjekësore janë detyruar të ndihmojnë një grup prej 25 personave të cilët kishin simptoma të helmimit me monoksid karboni, transmeton Telegrafi.

Pretendohet se zjarri është shkaktuar, pasi dyshekët për fjetje janë lyer me gaz të shkrepëseve ku më pas u është vënë flaka.

Sipas të përditshmeve gjermane, dy marokenë kanë pohuar personeli i sigurisë nga Irani kishin refuzuar të zgjojnë besimtarët për syfyr gjatë Ramazanit, dhe besohet se kjo ishte arsyeja që shkaktoi zjarrin.

Dëshmitarët kanë bërë të ditur se ka pasur tensione mes njerëzve të feve të ndryshme, në kampin e refugjatëve që kontrollohet nga Kryqi i Kuq. /Telegrafi/