Gjiganti spanjoll, Real Madrid si duket nuk është i kënaqur me fazën ofensive dhe synon ta përforcojë atë.
Sipas medieve italiane dhe atyre spanjolle, Real Madrid kanë në plan transferimin e kapitenit të Interit, Mauro Icardi.
Icardi ka shfaqur një formë të jashtëzakonshme ndërsa, vitin e kaluar u shpall edhe golashënuesi më i mirë në Serie A.
22-vjeçari ka kontratë me ‘Neroazzurrët’, deri në vitin 2019, mirëpo plani i ‘Mbretërve’, është që ta transferojnë atë në verën e vitit 2016.
Gjithnjë sipas medieve spanjolle, Real Madrid për sulmuesin argjentinas pritet të dërgojë ofertë prej 40 milionë euro. /Telegrafi/
