Sipas mediave spanjolle, mesfushori i Juventusit, Arturo Vidal, ka arritur marrëveshje për t’u transferuar te Real Madridi gjatë këtij afati kalimtar.

28-vjeçari, momentalisht është me kombëtaren e tij Kilin, duke e përfaqësuar vendin e tij në Copa America, ku në finale do të përballet me Argjentinën e Lionel Messit.

Sipas të përditshmes spanjolle ‘Sport’, Los Merengues kanë qenë në negociata me Vidalin dhe agjentin e tij gjatë ditëve të fundit, dhe tani kanë arritur marrëveshje për një kontratë pesëvjeçare.

Drejtuesit e Realit tani po tentojnë t’i bindin drejtuesit e Juventusit që ta ulin shumën e kërkuar për lojtarin kilian, që besohet të jetë afro 30 milionë euro.

Zhvillime të mëtejshme nuk priten deri sa të përfundojë Copa America, por Sport raporton se Vidal është i gatshëm që të transferohet në Bernabeu. /Telegrafi/