Zinedine Zidane, trajneri i Real Madridit, pritet të shpërblehet nga presidenti i Los Blancos, Florentino Pérez për punën që ka bërë në vitin e fundit.

Sipas të përditshmes sportive madrilene, Marca, Florentino i ka ofruar kontratë të re Zinedine Zidanes, përcjell Express.

Thuhet se numri një i Real Madridit i ka ofruar strategut francez një kontratë me kushte të përmirësuara financiare deri në vitin 2020.

Kontrata aktuale e Zidanes skadon në verën e viti 2018. Por, sukseset e arritura këtë sezon nga Zidane e kanë ngazëllyer Perezin.

Real Madrid është në finale të Ligës së Kampionëve, ku do të luaj me Juvetnisin, derisa është afër që ta fitoj edhe La Ligan.

Zidane e kishte marrë drejtimin e ekipit në fillim të vitit 2016, pasi ishte shkarkuar Rafa Benitez, për shkak të rezultateve të dobëta. /Express/