Kërkojmë nga institucionet e Policisë së Kosovës për të ndërmarrë veprimet e nevojshme për sjelljet e pandërgjegjëshme të disa qytetarëve, të cilët ditëve të fundit qëllimisht po shkaktojnë defekte në ndriçimin publik në qytetin e Lipjanit si dhe në heqjen e pusetave të ujëmbledhësve dhe veprime të tjera të dëmshme ndaj aseteve publike. Ditëve të fundit këta përsona po i dëmtojnë asetet e pastaj po i fotografojnë duke i shfrytëzuar ato për qëllime elektorale ku disa nga to janë në rrugët e qytetit.
Ne kërkojmë nga organet e rendit që të ndërmarrin veprimet konkrete ndaj përsonave të tillë që për qëllime elektorale po i dëmtojnë këto asetet publike.
Shembulli i shkaktimit të dëmeve në ndriçimin publik po e dëshmojmë edhe me foto sikur edhe dëmtimi i pusetave dhe pengesave antiparking në rrugët e qytetit.
Gara zgjedhore nuk është për të shkaktuar dëme në pasurinë shtetërore por është koha për të ndërtuar kulturë në ruajtjen dhe kultivimin e çdo investimi në të mirë të qytetit tonë.