Komuna e Lipjanit ka lëshuar një reagim ku ka dënuar mbishkrimet “UÇK” nëmurin e shkallëve të Kishës Ortodokse serbe në Lipjan.
Në reagim thuhet:
Në orët e vona të mbrëmjes të ditës së Premte, në murin e shkallëve të Kishës Ortodokse serbe në Lipjan është shkruar mbishkrimi “UÇK” me çka është tentuar të provokohen qytetarët e besimit Ortodoks në përfundim të festave të tyre.
Komuna e Lipjanit e dënon këtë aktë provokues, duke pasur parasysh se marrëdhëniet ndëretnike dhe ndërfetare janë të mira dhe nuk kemi nevojë për akte të tilla.
Bashkëpunimi në mes të organeve komunale, institucioneve të sigurisë dhe qytetarëve është në nivelin e duhur, këtë më së miri e tregojnë raportet si dhe gjendja e sigurisë dhe tolerancës ndëretnike dhe ndërfetare në teren.
Kërkojmë nga organet e rendit dhe sigurisë që sa më parë t’i identifikojë kryersit e këtij akti provokues dhe të njejtit të përgjigje para organeve të drejtësisë.