Milot Rashica ishte lojtari më i mirë në fushë në fitoren e Viteses ndaj Twentes 5-1.

Talenti shqiptar shënoi dy gola duke e udhëhequr skuadrën nga Arnhemi, drejt një fitore tjetër.

“Ishte një fitore e rëndësishme para pushimit dimëror. Mendoj se ishte një ndeshje e madhe, pasi realizuam 5 gola, kjo ishte pozitive”.

“Unë jam i kënaqur, pasi shënova dy herë dhe tani ndjehem më i motivuar. Mendoj se kam akoma më shumë për të treguar”, deklaroi Rashica për mediat holandeze.

Milot Rashica me paraqitjet e tij po kthehet në një kandidat për Kombëtaren, ndoshta që në miqësoret e muajit mars, të fundit para finaleve të Euro 2016. /Telegrafi/