Claudio Ranieri beson se himni i Ligës së Kampionëve i ka motivuar lojtarët Leicester Cityt që ta nisin furishëm takimin ndaj Club Brugges

Leicester Cityt ka debutuar me fitore në Ligën e Kampionëve. Kampioni i Anglisë e ka mposhtur Club Brugges me reuzltat 0:3, në kuadër të ndeshjes së parë të Ligës së Kampionëve.

Trajneri i ekipit anglez, Claudio Ranieri beson se himni i Ligës së Kampionëve i ka motivuar lojtarët Leicesterit që ta nisin furishëm takimin ndaj ekipit belg.

“Ishte fitore e rëndësishme pas humbjes nga Liverpooli. Ne realizuam herët dhe patëm besim gjatë gjithë takimit”, ka deklaruar Ranieri pas ndeshjes.

“Club Brugge lëvizte mirë topin, patën kontrollin e topit, por ne kontrolluam lojën dhe ishte e mirë për ne. Ndoshta në fillim i befasuam. U thash lojtarëve se kur dëgjoni muzikën e Ligës së Kampionëve do të mbushni bateritë dhe do të luftoni”, ka theksuar italiani. /gazetaExpress/