Agjenti Mino Raiola i ka hedhur poshtë të gjithë raportet se Zlatan Ibrahimovic është pajtuar me kontratën e re të ofruar nga Milan, duke i quajtur këto lajme si “lajme të rreme”

Shumë raporte kanë thënë sot se një marrëveshje është bërë që Ibra të fitojë gjashtë milionë euro në sezon plus gjysmë milionë euro në rast se fiton ndonjë trofe në Itali dhe plus gjysmëmilioni në rast se Milan kualifikohet në Ligën e Kampionëve.

Kuqezinjtë tashmë janë në përgatitjet para sezonale nën urdhrat e trajnerit Stefano Pioli, por Ibrahimovic ende nuk i është bashkuar atyre.

Gjatë ditës kjo çështje nga mediat është konsideruar si “punë e kryer”, por Raiola ka shfrytëzuar Twitterin për ti mohuar këto lajme.

“Lajme të rreme! Ibrahimovic nuk ka rinovuar kontratën e tij me AC Milan”, ka shkruar agjenti të mërkurën në mbrëmje. /GazetaExpress/