Mesfushori brazilian, Rafinha dëshiron të ruaj gjasat e tij për një vend në Kombëtaren e Brazilit për Kupën e Botës, por e di se këtë nuk mund ta bëjë duke qëndruar në Barcelona.

Ai dëshiron të largohet gjatë janarit, për të gjetur një skuadër ku do të mund të luante rregullisht.

Sipas Mundo Deportivo, Rafinha është i gatshëm të huazohet në Inter dhe marrëveshja në mes të dy klubeve është shumë afër.

Inter do ta huazojë lojtarin deri në fund të sezonit, me mundësi blerje për 18 milionë euro.

Përveç tij, Inter e dëshiron edhe futbollistin tjetër të Barcelonës, anësorin spanjoll Gerard Deulofeu, i cili mund të largohet për një shumë nga 15 deri në 20 milionë euro. /Express/