Shumë poster me mbishkrime, janë vendosë anekënd qytetit duke u bërë thirrje qytetarëve që përmes lëmoshës të mos bëhen pjesë e shfrytëzimit të fëmijëve.

Zyrtarë të Qendrës për Punë Sociale, kanë thënë se qytetarët e Ferizajt kanë nevojë që të sensibilizohen për rrezikun që paraqet kjo dukuri për fëmijët që ushtrojnë këtë veprimtari. Drejtori i QPS-së, Shyqeri Mehmeti, ka thënë se në këto pankarta janë disa sllogane, përmes të cilave u kërkohet qytetarëve që të mos bëhen pjesë e dhënjes së lëmoshave, ngase kështu fëmijët po shfrytëzohen nga individ por edhe familjar.
“Kërkim lëmosha është ilegale dhe e sanksionuar me ligj. Këta fëmijë që kërkojnë lëmoshë janë potencial për t””u trafikuar andaj duhet kujdes i shtuar jo vetëm institucional por edhe qytetarë”, ka thënë Mehmeti.

Për më tepër është thënë se kjo fushatë po bëhet në kohën kur në vendin tonë ndodhen për pushime mërgimtarët tanë.”Lëmoshkërkuesit e dinë se këta që kanë ardhur për pushime janë më solidarë dhe në këtë rast mundësitë për të përfituar janë të mëdha”, ka thënë Mehemeti.

U bë e ditur se QPS-ja gjatë këtij viti ka zhvilluar tri aksione në bashkëpunim me policinë dhe gjykatën në identifikimin e rasteve, shumica e të cilëve ka rezultuar se janë nga Shqipëria.