Bruno Le Maire, ministri francez i financave dhe numri dy në qeverinë franceze, i ka kërkuar FIFA-s të hetojë fyerjet e bëra nga futbollistët argjentinas kundër Les Bleus në fund të finales së Kupës së Botës, e cila u fitua me penallti nga amerikano-jugorët

Teksa lojtarët e Argjentinës festuan në mënyrë euforike, pati disa momente që u bënë virale, transmeton Gazeta Express.

Qëndrimi i portierit të Argjentinës, Emiliano Martinez, i cili u tall me sulmuesin francez Kylian Mbappe në disa raste pas fitimit të Kupës së Botës, si dhe sjellja e ish-lojtarëve si Kun Aguero, i cili tallte mbiemrin e Eduardo Camavinga, kanë rënë shumë keq në shtypin francez.

“Këto janë fyerje të padenja dhe çfarë bën FIFA? Le Maire komentoi në Sud Radio.

“Sporti është çështje e lojës së ndershme dhe respekti për të tjerët, respektimi edhe për humbësit”, tha ai.

Federata Franceze e Futbollit kishte njoftuar tashmë se do të denonconte përdorimin e fyerjeve raciste në mediat sociale kundër futbollistëve francezë që humbfutbollistëve francezë që humbën penalltitë.

Në këtë rast nuk dihet ende nëse autorët kanë qenë tifozë francezë apo argjentinas. /Gazeta Express/