Presidenti rus, Vladimir Putin, e ka nënshkruar sot një dekret për të suspenduar një marrëveshje me Shtetet e Bashkuara për ripërpunimin e armëve me plutonium. Kjo është një shenjë tjetër e përkeqësimit të marrëdhënieve ndërmjet dy vendeve.
Marrëveshje, e cila ishte nënshkruar në vitin 2000 dhe u fut në fuqi në bazë të një marrëveshjeje të vitit 2010, është suspenduar për shkak të “emergjencës së një kërcënimi ndaj stabilitetit strategjik dhe si rezultat i veprimeve jomiqësore të Shteteve të Bashkuara të Amerikës karshi Federatës Ruse”, kështu shkruan në parathënien e dekretit, transmeton “Express”-i.
Sipas saj, SHBA-ja, po ashtu, nuk është në gjendje të sigurojë zbatimin e obligimeve të veta për të shfrytëzuar tepricën e armëve të plutoniumit.”/Express/
