Dy nga tre emrat e kamikazëve, të cilët hodhën veten në erë në aeroportin kryesor të Stambollit para disa ditëve, janë bërë publik.
Mediat turke, të cilat citojnë burime nga prokuroria, shkruajnë se kamikazët janë identifikuar si Rakin Bulgarov dhe Vadim Osmanov, përcjell Gazeta Express.
Por, prokuroria nuk ka dhënë asnjë informacion mbi kombësinë e tyre. Ndërkohë, dje zyrtarët e Turqisë thanë se tre kamikazët ishin shtetas nga Rusia, Uzbekistani dhe Kirgistani. Deri më tani forcat turke të kundër terrorizmit kanë arrestuar 24 persona, ndërsa nga sulmi i 28 qershorit kanë humbur jetën 44 persona dhe mbi 263 janë plagosur./Gazeta Express/
