Paris Saint-Germaini është afër që të bëhet me trajner të ri, pasi Mauricio Pochettino pritet që të largohet.

Dhe, Christophe Galtier pritet që të jetë zëvendësuesi i argjentinasit te kampionët e Francës, transmeton Gazeta Express.

Sipas gazetarit francez, Fabrice Hawkins, PSG-ja ka pranuar që të paguajë dëmshpërblimin prej 10 milionë eurosh, që klubi i Nice e kërkon për Galtierin.

Nëse situata nuk ndryshon, 55-vjeçari pritet që të jetë trajneri i ri i skuadrës nga “Parc des Princes”.

Ndërkohë, Lucien Favre thuhet se është favorit për të zëvendësuar Galtierin te Nice.

🚨🚨 Sauf retournement de situation Christophe Galtier sera le prochain entraîneur du PSG.
Paris a accepté de payer une indemnité proche de 10 millions d’euros.
Lucien Favre est le grand favori pour prendre sa place.

— Fabrice Hawkins (@FabriceHawkins) June 19, 2022

Galtier nuk është emër i njohur shumë në futbollin evropian, përveçse në atë francez.

Ai nga viti i kaluar është trajner te Nice, teksa më herët ka drejtuar edhe dy skuadrat tjera nga Ligue 1 e Francës, Lille dhe Saint-Etienne. /Gazeta Express/