Presidenti i Paris Saint-Germainit, Nasser Al-Khelaifi, sërish i ka përgënjeshtruar njoftimet se klubi i tij është në bisedime për transferimin e Cristiano Ronaldos.

Superylli i Real Madridit vazhdimisht është lidhur me një kalim në Parc de Princes dhe përfaqësues të të dy klubeve gjithmonë i kanë mohuar këto zëra.

“Aktualisht, Ronaldo është lojtar i Real Madridit. Ai ka akoma edhe dy vjet e gjysmë në kontratën e tanishme”.

“Unë vazhdoj të kem raporte të shkëlqyera me presidentin e Real Madridit, Florentino Perez. Ne nuk kemi pasur bisedime rreth Ronaldos”.

“Ai është padyshim një lojtar i shkëlqyer, por ne tashmë i kemi disa lojtarë të shkëlqyer në skuadër. Angel Di Maria është një prej tyre. Jam shumë i kënaqur me ekipin aktual”, ka deklaruar Al-Khelaifi për Le Figaro. /Telegrafi/