Paris Saint-Germaini ka vazhduar në fazën tjetër të Coupe de France pas triumfit prej 3-0 kundër Lyonit në Parc de Princes.
Kampioni francez gjeti rezistencë në pjesën e parë duke mos arritur ta thyejë kundërshtarin. Shansin më të mirë për të shënuar e pati Edinson Cavani, por uruguaiani dështoi ta konvertojë në gol.
Porse, kryeqytetasit i ndryshuan gjërat në gjysmën e dytë, ndërsa fantastiku Zlatan Ibrahimovic realizoi dy herë.
Goli i parë i suedezit u realizua me gjoks pas harkimit të Lucas (63’), ndërsa menjëherë pas erdhi goli i dytë kësaj radhe me këmbë, falë asistimit të Aurier (67’).
Rezultatin përfundimtar e vendosi Adrien Rabiot (75’), i asistuar nga Maxwell. /Telegrafi/
