Paris Saint-Germaini është shpallur edhe matematikisht kampion i Francës për sezonin 2014/2015.

Një javë pa përfunduar kampionati, kryeqytetasit kishin nevojë vetëm për një pikë për të mos pritur se si do të zhvillohej derbi ndërmjet Lyonit dhe Bordeaux.

Megjithatë, ata e kërkuan fitoren që nga fillimi dhe shënuan dy herë në pjesën e parë, me anë të Blaise Matuidi (17’) dhe Ezequiel Lavezzi (26’).

Anthony Mounier e shënoi një gol për vendasit në fund të pjesës së parë (40’), ndërsa në pjesën e dytë nuk pati gola.

Ky është titulli i tretë radhazi për Paris Saint-Germainin në Ligue 1 dhe i pesti në histori.

PSG tashmë e ka fituar Kupën e Ligës dhe është në finale të Kupës së Francës (kundër Auxerre) për trofeun e tretë këtë edicion.

Trofeu i vetëm që nuk do ta fitojë ekipi i Laurent Blanc këtë sezon është Liga e Kampionëve, nga ku u eliminua në çerekfinale nga Barcelona. /Telegrafi/