Paris Saint-Germaini raportohet se nuk ka hequr dorë ende nga Milan Skriniari.
Klubi francez tentoi transferimin e tij nga Interi në afatin kalimtar të verës, por nuk ia doli dhe lojtari do të vazhdojë qëndrimin te klubi italian – transmeton Gazeta Express. PSG thuhet se kishte ofruar deri në 70 milionë euro.
Megjithatë, sipas “L’Equipe”, Skriniar mbetet në radarin e PSG-së dhe klubi do të tentojë sërish transferimin e tij në afatin kalimtar të dimrit.
Por, Interi nuk pritet që të marrë një ofertë të ngjashme edhe në afatin kalimtar të janarit, pasi kontrata e sllovakut po shkon drejt skadimit.
Kontrata aktuale e 27-vjeçarit me “Nerazzurrët” skadon më 30 qershor 2023.
Kësisoj, ish-mbrojtësi i Sampdoria do të mund të negociojë me klubet e interesuara që nga janari i vitit tjetër e tutje.
Chelsea dhe Tottenham Hotspur raportohej se ishin dy klubet tjera të interesuara për Skriniarin. /Gazeta Express/
