Të premtën maturantët e gjimnazit “Ulpiana” në Lipjan kanë protestuar në ambientet e shkollës për të mos jua shtyrë ekskurzionin për Shqipëri deri pas mbajtjes së zgjedhjeve lokale. Këtë shtyerje të mundshme ata e lidhin me mbajtjen e zgjedhjeve lokale pasi sipas tyre çdo vit maturantët kanë shkuar në ekskurzion me fillim të vitit shkollor.
“Për shkak se zgjedhjet mbahen në tetor po dojnë me na shty ekskurzionin”- tha një maturant për Gazetën Express.
Express ka kontaktuar me Drejtorin për Arsim në komunën e Lipjanit, Rasim Hasani i cili tha se organizimi i ekskurzionit është kompetencë e shkollave me miratimin e prindërve dhe drejtoria e tij vetëm ua jep lejen.
“Pasi të kryhen nënshkrimet dhe konfirmimet e prindërve merren parasysh”- tha Hasani të shtunën.
Hasani thotë se nuk është në dijeni për protestën që kanë zhvilluar dje këta nxënës.
Ndërsa nxënësit kanë dërguar edhe video nga protesta e djeshme në korridorin e shkollës të cilët thonë se më pas drejtori dhe zëvendësdrejtori i kanë detyruar të hyjnë nëpër klasa.
Më poshtë mund t’i shihni videot:
