Në Krushevc të Serbisë në mëngjesin e sotëm, një autobus me udhëtarë kosovarë, është sulmuar nga persona të panjohur.
Behxhet Bici, pronar i kompanisë së autobusëve “Bici-Com”, ka dhënë detaje për rastin.
Thotë “se autobusi është përcjell nga dy vetura, njëra e vogël dhe një kombi. Personat në automjete i kanë raportuar njëri-tjetrit për lëvizjet e autobusit. Në momentin që autobusi ka hyrë në kthesë është goditur me një shishe dhe si pasojë është thyer xhami i parë i autobusit. Fatmirësisht shoferi nuk e ka lëshuar rrugën kryesore për ta humbur drejtimin, ndërsa në autobus kishe 25-26 udhëtarë”, ka thënë Bici për Klan Kosova.


