Këto ditë të nxehta të verës po shkaktojnë probleme edhe për komunat dhe bashkësitë lokale ku merren dhe lëshohen dokumentet dhe pasaportat. Ata janë në “hall të madh” nga shtetasit e Kosovës. Jemi në stinën e verës, stinë kjo që shqiptarët janë më të motivuar për të vizituar vende të jashtme siç janë: Gjermania, Zvicra, Londra dhe Italia. Disa shkojnë për të vizituar ndonjë të afërm të tyre e disa janë edhe studentë që shkojnë me ofertën senzacionale Work and Travel.

Por, qytetarët në vapë po detyrohen të presin në radhë, për ekstraktet e lindjes dhe për pasaporta biometrike. Po ju sjellim disa foto nga vendi i ngjarjes në Bashkësinë Lokale nr: 4, që gjendet në Lagjen Ulpiana si dhe në Ministrinë e Punëve të Brendshme, aty ku qytetarët kanë mundësinë t’i marrin letërnjoftimet dhe pasaportat biometrike./LipjaniNews/.