Furnizimi me karburante i besohet një operatori ekonomik që operon me licenca jovalide, shkruan sot Koha Ditore.

Komuna e Prishtinës ka shpallur fitues tenderi për karburante operatorin ekonomik “Petrol Company”.

Departamenti për rregullimin e tregut të naftës ka konfirmuar se janë të falsifikuara gjashtë licenca të kësaj kompanie, tri nga të cilat u takojnë pikave të karburantit në periferi të kryeqytetit: në magjistralen Prishtinë – Fushë Kosovë, në Çagllavicë dhe në Preoc.

Autoritetet komunale kanë mbajtur fshehtë të dhënat e këtij aktiviteti prokurimi, që zbardhin skandalin me licencat.