Drejtoresha për Shëndetësi dhe Përkujdesje Sociale, Merita Bytyqi ishte pjesë e panelit në takimin e organizuar nga Instituti për Zhvillimin e Politikave Sociale, ku u prezantua Informatori me llojin e klientëve përfitues të shërbimeve sociale dhe shërbimet administrative që ofrohen nga QPS.

Po ashtu në këtë takim u prezantua edhe broshura “Dhuna në familje”, projekt ky i organizuar nga Instituti dhe tri komunat përfituese të këtij projekti: Lipjan, Podujevë dhe Obiliq, njofton Komuna.

Drejtoresha Bytyq tha se e ka mirëpritur një informator të tillë sepse shëndeti nuk është vetëm mungesa e sëmundjes por edhe gjendja e mirëqenies së plotë fizike, psiqike dhe sociale. “Dizajnimi apo listimi në një menyrë aq të qartë për llojin e klientit që duhet të marrë shërbimin dhe llojin e shërbimit që duhet t’i ofrohet për herë të parë, i përpiluar dhe dizajnuar nga ekspertët e qendrave përkatëse, me të vërtet që është më se e mirëseardhur, kështu për të zbutur apo lehtësuar sado pak vuajtjen e kategorive me nevoja të tilla në lehtësimin e kuptimit se si dhe ku të adresohen”, u shpreh drejtoresha Bytyqi.
Informatori në formën e posterit do të vendoset në Institucionet që përkasin me natyrën!