​Presidentja Atifete Jahjaga nuk e ka treguar se pse kishte anuluar vizitën e saj në QKUK pas lindjes së fëmijës së parë për këtë vit. Pavarësisht njoftimit, ajo ndryshoi planet dhe shkoi në Gjakovë.

Presidentja Jahjaga tha se nuk vizitoi fëmijën e parë të lindur në këtë vit në QKUK për shkak të fillimit të një tradite të re.

“Erdha sepse e dini se e kemi ba këtë traditë të vizitojmë Natën e Vitit të Ri, fëmijën e parë të lindur. Por këtë vit pak e kemi ndryshu qasjen ta themi sepse gjithmonë kemi shku në QKUK por këtë vit kam vendos që duke fillu nga ky vit dhe vitet e ardhshme tjera të shkoj në qendra të ndryshme rajonale nëpër Kosovë”, tha ajo.

Ndërkohë vizita e Jahjagës në QKUK ishte paralajmëruar në njoftimin shpërndarë mediave.