Presidenti i Republikës së Kosovës, Hashim Thaçi, i ka pranuar letrat kredenciale nga ambasadori jorezident i Shtetit të Kuvajtit për Republikën e Kosovës.
Fayez Mishari Al Jassim, ambasador jorezident i Shtetit të Kuvajtit, është ambasadori i parë që i ka dorëzuar kredenciale presidentit Thaçi, pas marrjes së detyrës së re.
Presidenti Thaçi e uroi për marrjen e detyrës, duke shprehur gatishmërinë për thellimin e bashkëpunimit të mëtejshëm.
Kuvajti është ndër shtetet e para që e ka njohur Kosovën. /Telegrafi/
