Presidenti i Sllovenisë, Borut Pahor ka uruar Hashim Thaçin për zgjedhjen president i Kosovës.

Ky i fundit tha se Kosova mund të marrë mësime të vlefshme nga përvoja e Sllovenisë në tranzicion dhe integrim në NATO e BE.

Ai në rrjetin social facebook ka shkruar se e tërë Evropa Juglindore është kthyer kah e ardhmja me bashkëpunim dhe përkrahje për njëri-tjetrin.

Ai paralajmëroi se për këto bashkëpunime dhe sfida tjera do të bisedojnë me presidentët e rajonit në samitin Brdo-Brione, që do të mbahet në muajin maj

Ja postimi i plotë i Thaçit në facebook:

Një telefonatë miqësore mora edhe nga Presidenti i Sllovenisë, Borut Pahor, i cili më uroi për zgjedhjen president i shtetit. Biseduam për paqen dhe stabilitetin në rajon dhe për bashkëpunimin gjithnjë e më të madh në mes dy vendeve tona.

E tërë Europa Juglindore është kthyer kah e ardhmja me bashkëpunim dhe përkrahje për njëri-tjetrin. Sfidat që i kemi janë të njëjta dhe janë motiv për thellim të bashkëpunimit edhe më të mirë mes të gjithëve. Për të gjitha këto do të bisedojmë me presidentët e rajonit në samitin Brdo-Brion e, që do të mbahet në muajin maj.

Sllovenia dhe Kosova janë shembull i bashkëpunimit të mirë, që sa vjen e zgjerohet dhe thellohet. Kosova mund të marrë mësime të vlefshme nga përvoja e Sllovenisë në tranzicion dhe integrim në NATO e BE.