Presidenti i PSG-së: S’dua më sjellje prej ylli në klubin tim, dera është e hapur për ata që s’pajtohen me mua

PUBLIKUAR

Presidenti i Paris Saint-Germainit, Nasser Al-Khelaifi, ka paralajmëruar se do ta udhëheqë klubin me grusht hekuri nga sezoni i ardhshëm, derisa i ka paralajmëruar futbollistët e vet se nuk do të tolerojë më sjelle prej ylli në klubin e tij.

Pas largimit të Antero Henriques, sheiku do ta udhëheqë klubin duke marrë më shumë detyra në dorë. Në një intervistë për magazinën franceze “France Football”, e cila do të publikohet të martën, Al-Khaleifi i ka shpjeguar planet për sezonin e ardhshëm, transmeton Gazeta Express.

Pas një viti gjatë të cilit ka pasur disa incidente në PSG, veçanërisht ai me Kylin Mbappen i cili kërkoi publikisht më shumë përgjegjësi gjatë një ceremoni për ndarjen e çmimeve në Ligë 1. Al-Khelaifi beson se ka ardhur koha që klubi ta ndryshojë qëndrimin karshi lojtarëve yje.

“Lojtarët duhet të marrin përgjegjësi më shumë se në të kaluarën. Gjërat duhet të jenë ndryshe tani. Ata duhet të bëjnë më shumë, të punojnë më shumë, sepse nuk janë këtu për t’u argëtuar”, tha Al-Khelaifi.

Ai këmbënguli se futbollistët që nuk pajtohen me qëndrimin e tij, janë të lirë të largohen.

“Dhe nëse ata nuk pajtohem me mendimin tim, e kanë derën e hapur të largohen. Ciao! Nuk dua më sjellje prej ylli”, shtoi ai. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...